micky

Си хэлний ач холбогдол, ангилал

Си хэл нь анх vйлдлийн системд зориулагдан бvтээгдсэн хэл юм. UNIX vйлдлийн системийг бvтээхдээ программчилалын хvчтэй орчинг бvрдvvлэхийг зорьсон хvмvvс энэ хэлийг боловсруулжээ. UNIX vйлдлийн системийг дэлхий нийтээр өргөн хэрэглэх болсноор программчилалын Си хэлний хэрэглээ ч нэмэгдэх болжээ. UNIX vйлдлийн системийн 90% нь энэ хэл дээр бичигдсэн , тэр ч бvv хэл Си хэлний өөрийнх компилятор нь хvртэл энэ хэл дээр бичигджээ.

Мөн UNIX vйлдлийн системийн бараг бvх vйлчилгээний программ хангамжууд, UNIX vйлдлийн систем дээр ажиллах ихэнх хэрэглээний программ хангамжууд Си хэл дээр бичигдсэн , цаашид ч энэ хэл дээр бичигдэх болно. Иймээс Си хэл нь одоо ч хvртэл программчилалын хvчтэй зэвсэг хэмээн тооцогдсоор байна.

Си хэл бол сурахад хялбар, маш бага кодчилол хийх боломжтой хэл юм.

Си программын бvтэц , онцлог шинжvvд

Си программ нь функцуудын олонлогоос бvрдэх бөгөөд эдгээр функцууд нь нэг буюу хэд хэдэн эх файлд хадгалагдаж болно. Эдгээр эх файл бvр нь тус тусдаа хөрвvvлэгддэг. (машины хэлд)

Си программд зөвхөн нэг л функц “main” нэртэй байж болох бөгөөд бусад функцууд нь дурын байдлаар нэрлэгдэж болно. Си программ бичихэд ядаж нэг функц заавал бичих бөгөөд энэ нь “main” функц юм. Си хэлний функц нь бас процедурын vvрэг гvйцэтгэнэ. ө.х Си хэл нь бусад хэл шиг функцийг функц , процедур гэж ялгадаггvй. Си хэл дээр бичигдсэн программ “main” функцээс эхэлж ажиллах бөгөөд хэрвээ программ хэвийн ажилласан бол энэ функцээр vйл ажиллагаагаа дуусгах болно. Программ ажилллах явцад “main” функц нь бусад функцийг дуудаж болох бөгөөд тэр функц нь цааш өөр функц дуудах гэх мэтчилэн vйл ажиллагаа нь vргэлжилнэ. Тухайн функц vйл ажиллагаагаа дуусгамагц тvvнийг дуудсан функцэд удирдлагаа шилжvvлнэ.

Программын жишээ :

main()
{ /* vндсэн функц зарлах хэсэг */
int k;
printf(" Now I,ll print pi number ");
PrintfPI();
}

Мэдээллийн эх сурвалж: eschoolclub.mn

Хэрвээ та урьд өмнө нь хэзээ ч программ бичиж байгаагvй бол энэ сэдэв танд программ анхлан бичихэд чинь туслана.

Программ гэж юу вэ ?

Бидний сайн мэдэх компьютер бол тийм ч их ухаантай машин биш юм. Тэр бол зөвхөн зааврыг vг дуугvй дагадаг сайн туслагч төдий юм. Тэрээр таны өгсөн даалгаврыг биелvvлэхээр хэдэн ч өдрөөр , уйтгарлахгvйгээр , амрахгvйгээр ажиллаж чадна. Гэвч тэр юу хийхээ өөрөө бие даан шийдвэрлэж, бодож чадахгvй. Иймээс тэдэнд юу хийхийг нь Программ зохиогч хэлж, зааж өгдөг.

Тvvгээр ямар нэг ажил хийлгэхийн тулд тvvнд өгч байгаа командуудын олонлогийг программ гэж нэрлэнэ. Одоогоор бидний ашиглах боломжтой мянга мянган программ зохиогдоод байгаа бөгөөд эдгээр нь маш олон төрөл , чиглэлээр зохиогдсон болно.

Си программ бичихэд юу хэрэгтэй вэ ?

Си хэл дээр программ бичиж тvvнийгээ ажиллуулахын тулд юуны тvрvvнд Си компилятор хэрэгтэй. Си компилятор нь таны бичсэн программыг компиляци хийх буюу хөрвvvлэх vйл ажиллагааг хийдэг. Хөрвvvлэх гэдэг нь хvнд ойлгомжтой буюу Си хэл дээр бичигдсэн программыг машинд ойлгомжтой буюу командуудын дараалалд хөрвvvлэх vйл ажиллагааг хэлнэ.

Программчилах процесс

Ихэнх хvмvvс программ бичихдээ дараах дарааллыг баримталдаг.

• Программаа яг юу хийхийг тодорхойлно. ( vйл ажиллагааг нь төсөөлнө. )
• Алгоритмаа тодорхойлоод программаа бичнэ.
• Си программыг дурын текст боловсруулагч программ дээр бичиж болно. Гэхдээ ихэнх Си компиляторууд нь өөртөө текст боловсруулагчтай байдаг. Си хэл дээр бичигдсэн программ нь .С өртгөтгөлтэй файлд хадгалагдана.
• Программаа хөрвvvлэх
• Программын алдааг хянаж, засварлах
• Си компилятор нь танд алдааны тухай мэдээллvvд өгдөг. Хэрвээ алдаагаа засаж дууссан бол программ ажиллахад бэлэн боллоо гэсэн өг.
• Программаа ажиллуулах, vр дvнг нь vзэх

Одоогоор хэрэглэгдэж байгаа ихэнх Си компиляторууд нь маш өргөн боломжтой бөгөөд энэ бvх vйл ажиллагааг нэгэн программаас хийх боломжийг бvрдvvлсэн байдаг. Жишээ нь Turbo C компилятор нь манайд өргөн хэрэглэгддэг бөгөөд энэ нь программ бичих , vр дvнг нь харах зэрэг vйл ажиллагааг нэг дэлгэцэнд меню ашиглан хийх боломжийг бvрдvvлсэн сайн компилятор юм.